Centelles
Na terrible foto de arriba vese á muller do farmacéutico Pernau chorándoo logo de atopar o seu cadáver no cemiterio de Lleida o 3 de novembro de 1937, despois dos bombardeos fascistas do día anterior que estragaron a cidade e que deixaron unha morea de mortos, moitísimas crianzas entre eles.
Moitas outras fotos, algunhas delas tamén moi coñecidas, pódense contemplar na excelente exposición que o Centro Conde Duque de Madrid adica a Agustí Centelles, definido como o mellor fotógrafo de guerra que houbo en España, o Robert Capa do levante.
Documentais, obxectos personais e moitas fotografías abranguen a devandita exposición, absolutamente recomendable.
Etiquetas: fotografía
posted by bouzafria at 11:34 da tarde
6 Comentarios:
Terrorífico. Hai un libro, "Fotografía y Sociedad en la España de Franco", impresionante e máis que recomendable. O problema: que como todos os de fotografía, é caro. Este, se cadra, un pouco máis.
Pois ese, como tantos outros, non subiu ós altares...Hai que ter sorte ata para que te maten.
É unha mágoa que sexan sempre tan caros. Debo recoñecer que unha das miñas exposicións favoritas foi a de Virxilio Vieites, o pai de Perello: gran fotógrafo.
Dubidaría eu da sorte de ese home: Matárono aqueles cos que simpatizaba.
Non coñecía a este fotógrafo, hei de mirar algo del. A foto: sen palabras.
Aproveitarei a viaxe a Madrid esta ponte para ver esta exposición.
A ver se lle gosta. Cóntenos á volta.
Enviar um comentário
<< Home