15 julho 2008

Festas gastronómicas

Un dos personaxes de Georges Perec, moi rico, decidiu vivir do seguinte xeito: Aprendería a técnica da acuarela durante 10 anos, despois daría a volta o mundo durante vinte anos pintando mariñas , que feitas, serían enviadas a París, onde un artesán convertiríaas en puzzle. Rematada a viaxe, voltaría a casa, onde lle agardaban os crebacabezas e outros vinte anos máis agardando a morte e recompoñendo os puzzles que el mesmo creara anos atrás. Así viviu.
Onte selei con ilusión a bonoloto: Se me tocara xa teño pensada a miña vida de millonario: Daría a volta a Galicia seguindo a rota das festas gastronómicas. Tamén faría un blog onde comentaría o ambiente e calificaría as ambrosías. É ben posible que a morte me atope, anos despois, antes de dar por finalizada a tourneé, porque de certo que habería algunha festa aínda por visitar, pero polo menos estaría satisfeito de ter vivido e morrido como galego.

Etiquetas:

7 Comentarios:

Anonymous Anónimo said...

teña coidado, non debe ser bo arrexuntar tanto colesterol

10:27 da tarde  
Blogger bouzafria said...

Quen me dera... se ese fora o motivo

9:44 da manhã  
Blogger Raposo said...

Pois levariache o seu tempo porque festas gastronómicas hai unha enchenta delas.
Dende logo, fame non ías pasar.

10:29 da manhã  
Anonymous Anónimo said...

¡Vostede toleou! Se temos á xente cheíña de "coresteró" e "gliceritos" e "acidúrico" dende a adolescencia con só ir a un par delas e xantar (ademáis) a diario, aposto que non hai home que sobreviva a semellante tournée máis dun par de anos.

11:15 da manhã  
Blogger R.R. said...

¿Ve vostedeo que lle eu dicía?, mire, mire

E iso que o jicho este ía de fino. ¿Ou iso será máis insano que comer a cobadazos?

9:34 da manhã  
Blogger paideleo said...

Non é mal plan para desfrutar da lotaría.

12:10 da manhã  
Blogger bouzafria said...

Mal plan non é. O caso é que toque.

11:26 da tarde  

Enviar um comentário

<< Home